అదుపు తప్పిన ఆటో.. తొమ్మిదిమందికి గాయాలు

కడప జిల్లా జమ్మలమడుగులో ప్రమాదం జరిగింది. ఉపాధి హామీ మహిళా కూలీలు వెళ్తున్న ఆటో అదుపు తప్పి కాలవలో పడింది. తొమ్మిది మంది గాయపడ్డారు.

కడప జిల్లా జమ్మలమడుగు మండలంలో ప్రమాదం చోటుచేసుకుంది. ఉదయం మండల పరిధిలోని సరిగేపల్లి వద్ద ఆటో అదుపుతప్పి పక్కనున్న కాలవలో పడిపోయింది. ఈ ప్రమాదంలో తొమ్మిది మంది ఉపాధి హామీ మహిళా కూలీలు గాయపడ్డారు. విషయం తెలుసుకున్న పోలీసులు అంబులెన్స్ లో జమ్మలమడుగు ప్రభుత్వ ఆసుపత్రికి తీసుకువచ్చారు. ఓ మహిళకు తీవ్ర గాయాలు కావటంతో జమ్మలమడుగులోనే ఓ ప్రైవేటు ఆస్పత్రికి తరలించినట్లు పోలీసులు తెలిపారు . సంఘటన స్థలానికి వెళ్లిన జమ్మలమడుగు పట్టణ ఎస్సై రంగారావు ప్రమాదం వివరాలు తెలిపారు.

ఇది చదవండిపరిశ్రమలను ఆదుకోండి... ప్రధానికి సీఎం లేఖ