పశ్చిమ గోదావరి జిల్లా తాడేపల్లిగూడెం పట్టణం ఆర్ అండ్ బీ అతిథి గృహం సమీపంలో మహిళ అనుమానస్పద స్థితిలో మృతి చెందింది. జంగారెడ్డిగూడానికి చెందిన రఫీ ఉన్నీసా బేగం (55) గా ఆమెను పోలీసులు గుర్తించారు. ఘటనపై పోలీసులు ఆరా తీసి కీలక సమాచారాన్ని తెలుసుకున్నారు.
పది నెలల కిందటే రఫీ ఉన్నీసా బేగం భర్త మృతి చెందాడు. నాటి నుంచి తాడేపల్లిగూడెంలోని కూతురు ఉంటున్న దగ్గరే.. ఓ ఇంటిని అద్దెకు తీసుకొని ఇద్దరు కుమారులతో కలిసి ఆమె జీవించింది. పెద్ద కుమారుడు, అల్లుడు ఉదయం గమనించేసరిగి.. రఫీ ఉన్నీసా బేగం మంచంపై మృతి చెంది ఉంది. మెడ, తల మీద బలమైన గాయాలు గమనించిన ఇద్దరు.. పోలీసులకు సమాచారం ఇచ్చారు. మృతదేహాన్ని పరిశీలించిన పోలీసులు.. అనుమానాస్పద మృతిగా కేసు నమోదు చేసి దర్యాప్తు చేపట్టారు.