మెుదటి రోజు పాఠాలు చెప్పాలని బయల్దేరాడు కానీ..!
పశ్చిమగోదావరి జిల్లా కొయ్యలగూడెంలో దారుణం జరిగింది . కాసేపట్లో విద్యార్థులకు పాఠాలు చెప్పాల్సిన గురువు తిరిగి రాని లోకాలకు వెళ్లాడు. రోడ్డు ప్రమాదంతో ఉపాధ్యాయుడు ఘటన స్థలంలోనే మృతి చెందాడు.
teacher_died with an_Accident_at_west _godavari
పశ్చిమగోదావరి జిల్లా కొయ్యలగూడెంలో పాఠశాలలు పున ప్రారంభం రోజునే ఓ ఉపాధ్యాయుడు మృతి చెందాడు. జంగారెడ్డిగూడెం మండలం లక్కవరం గ్రామానికి చెందిన ఉపాధ్యాయుడు కంబపు సాయి... గోపాలపురం మండలం దొండపూడి పాఠశాలకు వెళ్తుండగా ప్రమాదం జరిగింది. మార్గమధ్యంలో ఆయనను ట్రాక్టర్ ఢీ కొట్టింది. ఈ దుర్ఘటనలో ఉపాధ్యాయుడు అక్కడికక్కడే మృతి చెందాడు. ఊహించని ప్రమాదం కారణంగా కుటుంబ సభ్యులు బోరున విలపిస్తున్నారు. మృత దేహాన్ని జంగారెడ్డిగూడెం ప్రాంతీయ ఆసుపత్రికి తరలించారు.
తొలిరోజు పాఠాలు చెప్పేందుకు వేల్తూ..తిరిగిరాని లోకాలకు!