కృష్ణా జిల్లా బాపులపాడు మండలం కొత్తపల్లి గ్రామానికి చెందిన త్రిమూర్తులు, కొవ్వలి గ్రామానికి చెందిన చిన్నారావు వ్యవసాయ పనుల నిమిత్తం కొత్తపల్లికి వెళ్లారు. తిరుగు ప్రయాణంలో.. చిన్నారావును అతని స్వగ్రామంలో దించడానికి ద్విచక్రవాహనంపై తీసుకువస్తుండగా సోమవరప్పాడు వద్ద.. ప్రమాదం జరిగింది.
ముందు వెళ్తున్న ద్విచక్ర వాహనాన్ని వీరి వాహనం ఢీ కొట్టింది. తీవ్ర గాయాలైన వీరిని ఏలూరు ప్రభుత్వాసుపత్రికి తరలించగా... చిన్నారావు అప్పటికే మృతి చెందినట్లు వైద్యులు ధ్రువీకరించారు. మెరుగైన వైద్యం కోసం త్రిమూర్తులును గుంటూరుకు తరలించారు. స్థానిక పోలీసులు కేసు నమోదు చేసుకొని దర్యాప్తు చేస్తున్నారు.