పోలవరం ప్రాజెక్టు నిర్మాణం వేగవంతం చేస్తామని రాష్ట్ర జలవనరుల శాఖ మంత్రి అనిల్ కుమార్ యాదవ్ అన్నారు. పశ్చిమగోదావరి జిల్లాలోని పోలవరం ప్రాజెక్టు నిర్మాణ ప్రాంతాన్ని మంత్రి పరిశీలించారు. హిల్ వ్యూ, స్పిల్ వే, గేట్లు తదితర ప్రాంతాల్లో అధికారులతో కలిసి పర్యటించారు.
అనంతరం క్యాంపు కార్యాలయంలో జలవనరుల శాఖ అధికారులతో సమీక్షించారు. నిర్వాసితులకు అందాల్సిన పరిహారం వివరాలు తెలుసుకున్నారు. లాక్డౌన్ వల్ల పనుల్లేక ఇబ్బందులు పడుతున్న నిర్మాణ రంగ కూలీలను వారి సొంత రాష్ట్రాలకు పంపేందుకు అన్ని ఏర్పాట్లు చేస్తున్నామని చెప్పారు.