ఎల్వీ ప్రసాద్ విజన్ ఇనిస్టిట్యూట్​లో ప్రత్యేక కార్యక్రమం

ఎల్వీ ప్రసాద్ విజన్ ఇనిస్టిట్యూట్​ వార్షికోత్సం పురస్కరించుకుని కొవ్వాలిలో ప్రత్యేక కార్యక్రమం నిర్వహించారు. కంటి శస్త్ర చికిత్సలు అవసరమైన వారికి ఉచితంగా వైద్యం అందిస్తామని నిర్వాహకులు తెలిపారు.

పశ్చిమ గోదావరి జిల్లా కొవ్వాలిలో ఎల్వీ ప్రసాద్ విజన్ ఇనిస్టిట్యూట్​ 8వ వార్షికోత్సవం సందర్భంగా ప్రత్యేక కార్యక్రమం నిర్వహించారు. పేద ప్రజలకు సేవ అందించాలనే లక్ష్యంతో కృష్ణా, పశ్చిమగోదావరి జిల్లాలో 20 కేంద్రాల ద్వారా కంటి పరీక్షలు చేస్తున్నట్లు నిర్వాహకులు తెలిపారు. శస్త్ర చికిత్స అవసరమైన వారికి ఉచితంగా వైద్యం చేస్తున్నట్లు పేర్కొన్నారు. ఈ అవకాశాన్ని ప్రతి ఒక్కరూ వినియోగించుకోవాలని ప్రజలకు సూచించారు. ప్రత్యేక కార్యక్రమానికి ఎల్వీ నేత్ర వైద్యశాలల్లో ఉచిత శస్త్ర చికిత్స చేయించుకున్న వారు పెద్ద సంఖ్యలో హాజరయ్యారు.