ప్రభుత్వ పాఠశాలలు, జూనియర్ కళాశాలల నిర్వహణ, మౌలిక సదుపాయాల కల్పనకు ప్రభుత్వం నిధులు విడుదల చేసింది. పశ్చిమ గోదావరి జిల్లాలోని పాఠశాలలు, కళాశాలలకు రూ.9కోట్ల 74 లక్షలు మంజూరయ్యాయి. విద్యార్థుల సంఖ్య ఆధారంగా నిధులు కేటాయించారు.
ఈ నిధులను మరుగుదొడ్ల నిర్వహణ, విద్యుత్ బిల్లులు, కంప్యూటర్ పరికరాలు, పుస్తకాలు, బోధనోపకరణాల కోసం వినియోగించనున్నారు. మరోవైపు... జిల్లాలో ఉన్న 48 మానవవనరుల కేంద్రాలకు రూ. లక్షా 25వేలు చొప్పున మంజూరయ్యాయి.