పశ్చిమ గోదావరి జిల్లాలో పోలీస్ సిబ్బందికి కరోనా వ్యాక్సినేషన్

పశ్చిమ గోదావరి జిల్లాలో పోలీస్ సిబ్బందికి కరోనా వ్యాక్సిన్​ కార్యక్రమం ప్రారంభమైంది. జిల్లా ఎస్పీ నారాయణ్ నాయక్ టీకాను వేయించుకున్నారు. ప్రతి ఒక్కరూ వ్యాక్సిన్​ వేయించుకోవాలన్నారు.

పశ్చిమ గోదావరి జిల్లాలో పోలీస్ సిబ్బందికి కరోనా వాక్సిన్​ను అన్ని పోలీసు స్టేషన్​లలో, ఏలూరు ప్రభుత్వ ప్రధాన ఆసుపత్రిలో వైద్యులు టీకాలను వేశారు. జిల్లా ఎస్పీ నారాయణ్ నాయక్​కు కరోనా వ్యాక్సిన్ వేశారు. కేంద్ర, రాష్ట్ర ప్రభుత్వాల సహకారాలతో టీకాను ఫ్రంట్ వారియర్స్​గా ఉన్న పోలీస్ సిబ్బందికి అందించామని ఎస్పీ తెలిపారు. టీకాని తయారుచేసిన వైద్య బృందానికి కృతజ్ఞతలు తెలిపారు. ప్రతి ఒక్కరూ వ్యాక్సిన్​ వేయించుకోవాలని అధికారులు తెలిపారు.

తొలి డోసు వేసుకున్నాక 28 రోజులపాటు శరీరంలో అనేక మార్పులు సంభవిస్తాయని రాష్ట్ర వైద్య, ఆరోగ్యశాఖ తెలిపింది. టీకా వేసుకున్న నాలుగు రోజుల పాటు మద్యం ముట్టొద్దని, పొగతాగరాదని, పోషకాహారం తీసుకోవాలని స్పష్టం చేసింది.

ఇదీ చదవండి