తాగునీటి కోసం ఖాళీ బిందెలతో మహిళల నిరసన

తాగునీటి సమస్య పరిష్కరించాలని కోరుతూ మహిళలు ఖాళీ బిందెలతో నిరసన చేపట్టిన ఘటన విజయనగరం జిల్లా సీసాడ వలసలో జరిగింది. దూరప్రాంతాలకు వెళ్లి నీళ్లు తెచ్చుకోవాల్సి వస్తోందని.. అధికారులు స్పందించి తాగునీరు సరఫరా చేయాలని కోరారు.

విజయనగరం జిల్లా కొమరాడ మండలం సీసాడ వలస గ్రామంలో తాగునీటి సమస్య పరిష్కరించాలని కోరుతూ గిరిజనులు ఖాళీ బిందెలతో నిరసన తెలిపారు. సీపీఎం నాయకులు కొల్లి సాంబమూర్తి వారికి మద్దతు పలికారు. ఆయన మాట్లాడుతూ.. గ్రామంలో నీటి ట్యాంకు ఉన్నా తాగునీరు సరఫరా కావడం లేదన్నారు. 4 నెలలనుంచి అధికారులకు మొరపెట్టుకున్నా సమస్య పరిష్కారం కాలేదన్నారు. దూరప్రాంతాలకు వెళ్లి నీరు తెచ్చుకోవాల్సి వస్తోందని తెలిపారు. అధికారులు స్పందించి నీటి సరఫరాను పునరుద్ధరించాలని కోరారు.

ఇవీ చదవండి..