తరగతిలోనే విద్యార్థిని మృతి.. బోరుమన్న కళాశాల

విజయనగరం జిల్లా పార్వతీపురంలోని ఓ ప్రైవేట్ కళాశాలలో విషాదం చోటు చేసుకుంది. రోజూ మాదిరిగానే కాలేజికి వచ్చిన ఇంటర్​ విద్యార్థిని నందిని తరగతి గదిలోనే కన్నుమూసింది.

విజయనగరం జిల్లా పార్వతీపురంలోని ఓ ప్రైవేట్ కళాశాలలో ఇంటర్​ విద్యార్థిని నందిని కన్నుమూసింది. కెఎన్​ఆర్​ఆర్​ వలస గ్రామానికి చెందిన నందిని ఆస్తమాతోనే కళాశాలకు హాజరైంది. గదిలో తీవ్ర ఆయాసంతో పడిపోవడంతో యాజమాన్యం, విద్యార్థులు ఆమెను ఆసుపత్రికి తరలించారు. అప్పటికే ఆమె మృతి చెందింది. తమ సహచర విద్యార్థిని మృతి చెందడంతో విద్యార్థులు బోరున విలపించారు.