విజయనగరం జిల్లా భోగాపురం సమీపంలో.. జాతీయ రహదారిపై మంగళవారం ఉదయం రోడ్డు ప్రమాదం జరిగింది. వలస వెళ్లిన కూలీలు తిరిగి వస్తుండగా గుర్తు తెలియని వాహనం ఢీకొట్టింది. ఈ ప్రమాదంలో ఒకరు మృతి చెందగా మరో ముగ్గురికి గాయాలయ్యాయి.
రామచంద్ర పేట గ్రామానికి చెందిన మూడసర్ల ఎల్లయ్య(35) మృతి చెందగా అప్పన్న ,కొత్తయ్య, శ్రీను తీవ్రంగా గాయపడ్డారు. క్షతగాత్రులను విజయనగరం జిల్లా కేంద్ర ఆసుపత్రికి తరలించినట్లు పోలీసులు తెలిపారు.