'గెలిపిస్తే ఆస్తి విలువ ఆధారంగా ప్రవేశపెట్టిన పన్ను రద్దుకు కృషి చేస్తా'

ఎన్నికల్లో పోటీ చేసే అభ్యర్థులు.. సాధారణంగా తనను గెలిపిస్తే ఆ ప్రాంత అభివృద్ధికి కృషి చేస్తానని హామీలు ఇస్తారు. ఇదే పంథాలో తన ప్రచార పర్వాన్ని కొనసాగిస్తారు. విజయనగరం కార్పొరేషన్ 33వ డివిజన్ కార్పొరేషర్​గా పోటీ చేసిన రెడ్డి శంకరరావు.. భిన్నంగా ప్రచారం చేస్తున్నారు. ఆస్తి విలువ ఆధారంగా ప్రవేశపెట్టిన పన్ను రద్దుకు కృషి చేస్తానంటూ.. ఓట్లు అడుగుతున్నారు.

మున్సిపల్ ఎన్నికల నేపథ్యంలో విజయనగరం కార్పొరేషన్​లో ఇంటింటి ప్రచారం జోరుగా సాగుతోంది. ఓటర్లను ఆకర్షించడమే లక్ష్యంగా అభ్యర్థులు హామీలు ఇస్తున్నారు. తనను గెలిపిస్తే పట్టణ ప్రాంతాల్లో ఆస్తి విలువ ఆధారంగా ప్రవేశపెట్టిన పన్ను రద్దుకు కృషి చేస్తానంటూ.. కార్పొరేషన్​ పరిధిలోని 33వ డివిజన్ అభ్యర్థి రెడ్డి శంకరరావు ప్రచారం చేస్తున్నారు. రెడ్డి శంకరరావు.. సీపీఎం తరపున పోటీ చేశారు.

రాబోయే రోజుల్లో మరుగుదొడ్లకు కూడా పన్ను విధించేందుకు ప్రభుత్వం ప్రతిపాదనలు చేస్తోందన్నారు. తనను కార్పొరేటర్​గా గెలిపిస్తే కార్పొరేషన్​లో తనవంతుగా ప్రభుత్వ పన్నుల విధానాలకు వ్యతిరేకంగా పోరాడుతానని హామీ ఇస్తున్నారు.

ఇదీ చూడండి:పాత నోటిఫికేషన్​ ప్రకారమే ఎన్నికలు: హైకోర్టు