విజయనగరం జిల్లా కురుపాం మండలం నీలకంఠాపురం సచివాలయ పరిధిలో.. లైన్మన్ గా పని చేసిన లక్ష్మణ్ రావు.. కరెంట్ షాక్ తగిలి మరణించాడు. విద్యుత్ అంతరాయాన్ని సరిచేసేందుకు సరఫరా నిలిపేయకుండా.. ఎటువంటి రక్షణ సాధనాలు ధరించకుండా ప్రయత్నించిన సమయంలోనే.. ప్రమాదం జరిగిందని సంబంధిత అధికారులు తెలిపారు.
జాగ్రత్తలు తీసుకుని ఉంటే ప్రాణాపాయం నుంచి బయటపడేవారని అన్నారు. మండలంలోని లంకజోడు గ్రామానికి చెందిన లక్ష్మణరావుకు భార్య, ఇద్దరు పిల్లలు ఉన్నారు. విద్యుత్ అధికారులు మృతుని కుటుంబాన్ని పరామర్శించారు. పోలీసులు కేసు నమోదు చేసి, దర్యాప్తు చేస్తున్నామని తెలిపారు.