అసలుకు పెట్టి... కొసరుకు మరిచారు...!

విశాఖ జిల్లా పాయకరావుపేట నియోజకవర్గ కేంద్రం జాతీయ రహదారి సమీపంలో నిర్మించిన జిల్లా పరిషత్ అతిథి గృహం నిరుపయోగంగా మారింది. ఉన్నతాధికారులు... ప్రజాప్రతినిధులు అటువైపు వెళ్లేప్పుడు కాసేపు సేద తీరేందుకు ఈ భవనాన్ని నిర్మించారు. కానీ సరైన వసతులు లేకపోవటం సమస్యగా మారింది.

విశాఖ జిల్లా పాయకరావుపేట నియోజకవర్గ కేంద్రం జాతీయ రహదారికి ఆనుకుని ఉంది. ఉన్నతాధికారులు ప్రజాప్రతినిధులు ఈ దారిన పోయేటప్పుడు కాసేపు సేద తీరేందుకు జిల్లా పరిషత్ అతిథి గృహాన్ని నిర్మించారు. సుమారు రూ.1.50 కోట్ల వ్యయంతో నిర్మించిన ఈ నూతన భవనానికి విద్యుత్ సౌకర్యం లేకపోవటంతో నిరుపయోగంగా మారింది. ఉన్నతాధికారులు, మంత్రులు విశ్రాంతి తీసుకోవడానికి కనీస ఫర్నిచర్ భవనంలో లేదు. అధికారులు ఏవైనా సమావేశాలు ఏర్పాటు చేసినప్పుడు అనుమతి లేకుండా విద్యుత్​ను వాడుతున్నారు. ఈ అధునాతన భవనంలో సౌకర్యాలు సరిగ్గా లేవని సమావేశాలు రద్దు చేసిన సందర్భాలు ఉన్నాయి. గతంలో నాయకులు విశ్రాంతి తీసుకునే భవనం పట్టణానికి చాలా దూరంలో ఉండేది. ఈ నేపథ్యంలో అందరికీ అందుబాటులో ఉండేలా ఈ నూతన భవనాన్ని గత ప్రభుత్వం మంజూరు చేసింది. సమస్యపై సంబంధిత అధికారులను వివరణ కోరగా, విద్యుత్ సౌకర్యం... ఫర్నిచర్ కొరకు రూ.30 లక్షలు అంచనా వ్యయంతో పై అధికారులకు నివేదించినట్లు తెలిపారు.

ఇదీ చూడండి: