భూసేకరణ వివరాలు వెల్లడిస్తోన్న కలెక్టర్ వినయ్ చంద్ విశాఖ జిల్లాలో అర్హులందరికీ ఇళ్ల పట్టాలు ఇచ్చే ప్రక్రియ జరుగుతోందని జిల్లా కలెక్టర్ వినయ్చంద్ చెప్పారు. బలవంతపు భూసేకరణ జరగడం లేదని అన్నారు. రైతులకు ఎక్కడా ఇబ్బంది కలగకుండా చర్యలు తీసుకుంటున్నట్టు స్పష్టం చేశారు. అలాగే ఇళ్ల స్థలాల కోసం జిల్లాలో 2,50,534 లబ్ధిదారులను గుర్తించామని తెలిపారు. వీరిలో జీవీఎంసీ పరిధిలో 1,77,961 మంది కాగా గ్రామీణ ప్రాంతంలో దాదాపు 65,830 లబ్ధిదారులను గుర్తించినట్టు కలెక్టర్ వివరించారు. గ్రామీణ ప్రాంతంలో 1590.11 ఎకరాల భూమి అవసరం కాగా 1368.9 ఎకరాల ప్రభుత్వ భూమి ఇప్పటికే సేకరించామని... అదనంగా 168.53 ఎకరాల అసైన్డ్ భూమిని గుర్తించినట్టు కలెక్టర్ వెల్లడించారు. పాడేరులో ఎక్కువ ప్రభుత్వ భూములు ఉన్నందున అక్కడే ఆ ప్రాంత గిరిజనులకు కేటాయింపులు ఎక్కువగా చేస్తునట్టు చెప్పారు.
విశాఖ జిల్లాలో పది మండలాల్లో భూ సమీకరణ జరుగుతోందని కలెక్టర్ వెల్లడించారు. ఇళ్ల నిర్మాణానికి స్థలాన్ని ఇచ్చే వ్యక్తులకు ల్యాండ్పూలింగ్ ఓనర్ షిప్ సర్టిఫికెట్ ఇస్తామని చెప్పారు. భూసమీకరణ కోసం ప్రభుత్వం రూ.1300 కోట్లు నిర్దేశించిందని తెలిపారు. భూ సమీకరణ ద్వారా 950 ఎకరాలు వీఎంఆర్డీఏకు సమకూరుతాయని అన్నారు. ఈ భూమి విశాఖ జిల్లాలో నూతన అభివృద్ధి పథకాలకు వినియోగించనున్నామని స్పష్టం చేశారు.
ఇదీ చదవండి:
