ఘనంగా రాష్ట్ర స్థాయి ఫుట్​బాల్ పోటీలు

విశాఖపట్నం జిల్లా భీమునిపట్నం నియోజకవర్గంలో సుబ్రతో ముఖర్జీ రాష్ట్ర స్థాయి ఫుట్​బాల్ కప్ పోటీలు ఘనంగా ప్రారంభమయ్యాయి.

భీమిలి జీవీఎంసీ వుడా మినీ క్రీడా మైదానం, అమేయా, ఓక్రిడ్జ్ పాఠశాల క్రీడా మైదానాలు రాష్ట్ర స్థాయి ఫుట్​బాల్ కప్ పోటీలకు వేదికగా మారాయి. ఈ పోటీలను జిల్లా జాయింట్ కలెక్టర్ వెంకటేశ్వరరావు ఆర్ డి ఓ తేజ్ భరత్, మంత్రి సోదరుడు ముత్తంశెట్టి మహేష్ ప్రారంభించారు. క్రీడాకారులు మార్చ్ ఫాస్ట్ ద్వారా అతిథులకు గౌరవ వందనం చేశారు. రెండు రోజులపాటు జరగబోయే ఈ పోటీలకు 39 జట్లు పోటీ పడుతున్నాయి. ఈ పోటీల్లో గెలుపొందిన జట్లు జాతీయ స్థాటికి నేరుగా ఎంపిక చేయబడతాయని జిల్లా క్రీడాభివృద్ధి అధికారిని జూన్ గాలియట్ తెలిపారు.