పాకలపాడు చెరువులో ఆగని ఇసుక దందా..!
పాకలపాడు చెరువులో ఇసుక దందా కొనసాగుతూనే ఉంది. యంత్రాల సాయంతో పెద్ద మొత్తంలో ఇసుకను తోడేస్తున్నారు. ఇసుక బకాసురుల ఆగడాలకు అంతులేకుండా పోతోందని స్థానికులు ఆగ్రహం వ్యక్తం చేస్తున్నారు.
పాకలపాడు చెరువులో ఆగని ఇసుక దందా..!
విశాఖ జిల్లా గొలగొండ గ్రామం పాకలపాడు చెరువులో ఇసుక అక్రమ తవ్వకాలు యథేచ్ఛగా కొనసాగుతున్నాయి. ప్రొక్లైనర్లతో టిప్పర్ లారీలను నింపుతూ పెద్ద మొత్తంలో రవాణా చేస్తున్నారు. అధికారులకు ఫిర్యాదు చేసినా పట్టించుకోవటం లేదని గ్రామస్తులు ఆరోపిస్తున్నారు. పరిస్థితి ఇలాగే కొనసాగితే చెరువు కింద ఆయకట్టు ప్రశ్నార్థకమే అవుతుందని ఆవేదన వ్యక్తం చేస్తున్నారు.