ముఖ్యమంత్రితో సబ్బం హరి భేటీ తెదేపా అధ్యక్షుడు చంద్రబాబును అనకాపల్లి మాజీ ఎంపీ సబ్బంహరి అమరావతిలో కలిశారు. ప్రస్తుత రాజకీయ పరిస్థితులపై ఇద్దరు చర్చించారు. రాత్రిప్రకటించిన అసెంబ్లీ అభ్యర్థుల జాబితాలో హరికి చోటు దక్కింది. మంత్రి గంటా ప్రాతినిథ్యం వహిస్తున్న భీమిలి నుంచి అసెంబ్లీ అభ్యర్థిగాతెదేపా ప్రకటించింది. ఈ స్థానంలో వైకాపా నుంచి అవంతి శ్రీనివాస్ పోటీ చేస్తున్నారు. తెదేపాకు బలమైన భీమిలిలో ఈసారి జెండా ఎగరేయాలని ఆ పార్టీ తీవ్రంగా ప్రయత్నిస్తోంది. పోటీ ఇంత రసవత్తరంగా ఉన్న స్థానం నుంచే సబ్బం హరి బరిలో ఉండటం ఆ నియోజకవర్గంపై మరింత ఆసక్తి నెలకొంది. పోటీతోపాటు, గెలుపునకు ఏం చేయాలనే అంశాలపై చర్చించేందుకుచంద్రబాబుతోసబ్బం హరి భేటీ అయ్యారు.
