వైద్యం కోసం.. ఆసుపత్రికి వెళ్లాలంటే ఇదీ దుస్థితి...

సరైన రహదారి సౌకర్యం లేక విశాఖ మన్యంలో గర్భిణులు.. రోగులు తీవ్ర ఇబ్బందులు ఎదుర్కొంటున్నారు. సమయానికి అంబులెన్సులు వచ్చే పరిస్థితి లేకపోవడంతో ఇబ్బందులు పడుతున్నారు. ఓ గర్భిణికి పురిటి నొప్పలు వస్తే.. డోలీలో తీసుకెళ్లాల్సిన దుస్థితి ఏర్పడింది.

విశాఖ ఏజెన్సీ డుంబ్రిగుడ మండలం కొల్లాపుట్ పంచాయతీ బొడ్లమామిడి గ్రామ గిరిజన గర్భిణి గోళ్లూరి పార్వతి ప్రసవ వేదనతో బాధపడుతోంది. హాస్పిటల్​కు తీసుకెళ్లేందుకు 108కు ఫోన్ చేశారు. అయితే రహదారి లేకపోవటంతో.. అంబులెన్స్​ గ్రామంలోకి రాలేదు. ఈ కారణంగా గ్రామస్థులు ఆమెను డోలీలో 2 కిలోమీటర్ల దూరంలో ఉన్న కొల్లాపుట్ వరకు మోసుకెళ్లారు. అధికారులు స్పందించి కొల్లాపుట్ జంక్షన్ నుంచి బొడ్లమామిడి గ్రామం వరకు తారు రోడ్ నిర్మించాలని స్థానికులు కోరారు.

ఇదీ చదవండీ..రసవత్తరం.. తాడిపత్రి ఛైర్మన్ ఎన్నిక వ్యవహారం