భౌతికదూరం మరచి... బాధ్యత విస్మరించిన ప్రజాప్రతినిధులు

ప్రజలకు ఆదర్శంగా ఉండాల్సిన ప్రజాప్రతినిధులే నిబంధనలకు నీళ్లు వదిలారు. కోవిడ్​-19పై అవగహన కల్పించాల్సిన వారే... ఉల్లంఘనకు పాల్పడ్డారు. విశాఖ జిల్లా చోడవరంలో జరిగిన ఓ కార్యక్రమంలో భౌతిక దూరం మరచి... బాధ్యత విస్మరించిన మంత్రులు, ఎంపీలను చూసి జనం మండిపడుతున్నారు.

విశాఖ జిల్లా చోడవరంలో వైకాపా కార్యాలయం, విత్తనాభివృద్ధి సంస్థ భవనానికి శంకుస్థాపన నిర్వహించారు. ఈ కార్యక్రమంలో మంత్రులు కన్నబాబు, అవంతి, ఎంపీ విజసాయిరెడ్డి, సత్యవతి పాల్గొన్నారు. పెద్ద ఎత్తున వైకాపా కార్యకర్తలు, ప్రజలు గూమిగూడారు. ఓ వైపు చోడవరంలో కరోనా కేసులు పెరుగుతున్న కారణంగా ప్రజాసంఘాలు అవగహన కార్యక్రమలు చేపడుతుంటే... మరోవైపు కోవిడ్ నిబంధనలను ఉల్లంఘించటం పట్ల ప్రజలు అసహనం వ్యక్తం చేస్తున్నారు. భౌతికదూరం, వ్యక్తిగత శుభ్రతపై అవగాహన కల్పించాల్సిన ప్రజాప్రతినిధులే నిబంధనలకు నీళ్లు వదలటంపై పలువురు మండిపడుతున్నారు.