పెందుర్తిలో ఐసోలేషన్ సెంటర్​ను ప్రారంభించిన మంత్రి

పెందుర్తిలో ఎమ్మెల్యే అదీప్​రాజ్ సొంత నిధులతో ఏర్పాటు చేసిన ఐసొలేషన్ సెంటర్​ను మంత్రి ముత్తంశెట్టి శ్రీనివాస్ రావు ప్రారంభించారు. ఎమ్మెల్యే అదీప్​రాజ్​ను మంత్రి అభినందించారు.

విశాఖ జిల్లా పెందుర్తిలో ఎమ్మెల్యే అదీప్​రాజ్ సొంత నిధులతో ఏర్పాటు చేసిన ఐసొలేషన్ సెంటర్​ను మంత్రి ముత్తంశెట్టి శ్రీనివాస్​రావు ప్రారంభించారు. స్థానిక జిల్లా పరిషత్ ఉన్నత పాఠశాలలో 50 పడకలతో ఐసోలేషన్ సెంటర్​ ఏర్పాటు చేశారు. దీని ప్రారంభం సందర్భంగా మంత్రి మాట్లాడుతూ.. అదీప్​రాజ్ నిత్యం ప్రజల కోసం అనేక సేవా కార్యక్రమాలు చేస్తున్నారని కొనియాడారు. కరోనా నుంచి రక్షణ పొందడానికి ప్రంట్​లైన్ వారియర్స్​కు వివిధ రకాల వస్తువులను అంజేశారని, చాలామందికి నిత్యావసర వస్తువులు, ఆహారం పంపిణీ చేశారని అభినందించారు. ఐసోలేషన్ సెంటర్ ఏర్పాటు, అంబులెన్సులు, ఆక్సిజన్ సిలిండర్లు, కాన్సంట్రేటర్లు సరఫరా చేశారని కొనియాడారు.

ఇదీ చదవండీ... Jagan Review: కేంద్రం నుంచి పోలవరం బిల్లుల చెల్లింపుపై సీఎం సమీక్ష