' నిరసనల స్వాగతం'

ఈనెల 26 నుంచి ఉత్తరాంధ్రలో వామపక్ష పార్టీలు నిరసన కార్యక్రమాలు నిర్వహించనున్నాయి.

ప్రధాని మోదీ విశాఖ పర్యటనకు వ్యతిరేకంగా ఈనెల 26 నుంచి మార్చి1 వరకు ఉత్తరాంధ్రలో నిరసన కార్యక్రమాలు నిర్వహించనున్నట్లు సీపీఎం జిల్లా కార్యదర్శి కె. లోకనాథం తెలిపారు. విశాఖ రైల్వే జోన్, విభజన హామీల అమలు విషయంలో మోదీ ఘోరంగా విఫలమయ్యారని విమర్శించారు. పెట్రోలియం యూనివర్సిటీకి నిథులు మంజూరు విషయంలోనూ కేంద్రం వివక్ష చూపిస్తోందని అభిప్రాయపడ్డారు. నల్ల జెండాలు, ఖాళీ కుండలతో మోదీ గోబ్యాక్ అంటూ నినాదాలు చేస్తామన్నారు. ఈ కార్యక్రమాలకు రాష్ట్ర సీపీఎం కార్యదర్శి మధు హాజరవుతారని ఆయన చెప్పారు.