విశాఖలో 'కోహ్లీసేన' సాధన

రేపు ఆసీస్​తో జరగబోయే టీ20 మ్యాచ్​ కోసం భారత జట్టు సన్నద్ధమవుతోంది. వైజాగ్ వీసీఏ-వీడీసీఏ స్టేడియంలో ఆటగాళ్లంతా ముమ్మర సాధన చేశారు. ఎమ్మెస్కే ప్రసాద్ ఆధ్వర్యంలో జట్టు సభ్యులంతా ప్రాక్టీస్​లో పాల్గొన్నారు.

విశాఖలో భారత క్రికెట్ జట్టు ఆటగాళ్ల సాధన ముమ్మరంగా సాగింది. రేపు ఆస్ట్రేలియాతో తొలి టీ20 జరగనున్న నేపథ్యంలో... ఆటగాళ్లు ప్రాక్టీస్ చేశారు. ఉదయం తొమ్మిది నుంచి మధ్యాహ్నం ఒంటిగంట వరకూ.. బ్యాట్స్​మెన్, బౌలర్లు నెట్స్​లో తీవ్రంగా శ్రమించారు. కెప్టెన్ కోహ్లీ, ధోనీ, ధావన్, కార్తీక్, బుమ్రాతో పాటు... జట్టు సభ్యులంతా ప్రాక్టీస్​కు హాజరయ్యారు.సెలక్షన్ కమిటీ ఛైర్మన్ ఎం.ఎస్.కే. ప్రసాద్ పర్యవేక్షించారు. ఆటగాళ్లను చూసేందుకు స్థానికులు ఉత్సాహం చూపారు.