కరోనా లాక్డౌన్ కారణంగా ఉపాధి కోల్పోయి రోడ్డున పడ్డ భవన నిర్మాణ కార్మికులకు ఒక్కొక్కరికీ 10,000 రూపాయల చొప్పున ఆర్థిక సాయం అందించాలని సీఐటీయూ నగర అధ్యక్షుడు ఆర్ఎస్కెవి కుమార్ డిమాండ్ చేశారు. ఇసుక ధరలు తగ్గించి సామాన్యులకు అందుబాటులోకి తేవాలన్నారు.
భవన నిర్మాణ పనులు తిరిగి పుంజుకునే వరకు కేరళ రాష్ట్ర తరహాలో 17 రకాల నిత్యావసర సరుకులు, మాస్కులు, శానిటైజర్లతో పాటు ఆర్థిక సాయం అందించాలని డిమాండ్ చేశారు. కార్యక్రమంలో సీఐటీయూ నాయకులు వి కృష్ణారావు, కే. కుమారి, గణేష్ తదితరులు పాల్గొన్నారు.