పొగమంచులో రహదారి కనిపించక..
Cars crashed into fields: విశాఖ ఏజెన్సీ మార్గంలోని పాడేరు ఘాట్ రోడ్ కందమామిడి సమీపంలో.. పొగమంచు కారణంగా రోడ్డు కనిపించక రెండు కార్లు పొలాల్లోకి దూసుకుపోయాయి. ఇందులో ఒకటి బోల్తా పడగా.. మరొకటి బురదలో కూరుకుపోయింది. ఈ వాహనాల్లో.. వంజంగి పర్యాటక ప్రాంతాన్ని చూడటానికి పర్యాటకులు వచ్చారు.
దట్టంగా కమ్ముకున్న పొగ మంచు కారణంగా.. రహదారి కనిపించకపోవడంతో కార్లు పొలాల్లోకి దూసుకెళ్లాయి. అదృష్టవశాత్తూ చెట్లు, బండలు వంటివి ఏమీ లేకపోవడంతో ప్రాణ నష్టం జరగలేదు. కాగా.. ఆ కార్లలోని వారు వాహనాలను అక్కడే వదిలి వెళ్లిపోవడంతో.. వారు ఎవరు? ఎక్కడి నుంచి వచ్చారు? అనే వివరాలు తెలియరాలేదు. పోలీసులు కేసు నమోదు చేసుకున్నారు.