బ్యాంకు ఉద్యోగుల సమ్మె
దీర్ఘ కాలికంగా అపరిష్కృతంగా ఉన్న సమస్యలు పరిష్కరించాలని కోరుతూ యునైటెడ్ ఫోరం ఆఫ్ బ్యాంకింగ్ యూనియన్ ఆందోళన చేపట్టింది. విశాఖలోని సీతమ్మధార ఆంధ్రాబ్యాంక్ జోనల్ కార్యాలయం వద్ద నిరసన తెలిపారు. ఈ కార్యక్రమంలో యూనియన్ కన్వీనర్ సుందర్ మాట్లాడుతూ కేంద్రం ఎంతో కాలం నుంచి బ్యాంకు ఉద్యోగుల వేతనాల పట్ల చిన్నచూపు చూస్తోందని ఆవేదన వ్యక్తం చేశారు. ఈనెల 31, వచ్చే నెల 1న సమ్మెకు దిగుతున్నట్లు తెలిపారు. బ్యాంకు ఉద్యోగులంతా ఈ సమ్మెకు మద్దతు తెలియజేసి విజయవంతం చేయాలని కోరారు.