కరోనా వేళ.. బోగీలో వందల మంది ప్రయాణం
శ్రీకాకుళం జిల్లా ఆముదాలవలస నుంచి రైల్వే కూలీలను తీసుకెళ్లి.. తిలారు వద్ద రైల్వే ట్రాక్ పనులు చేయిస్తున్నారు. ఈ నిమిత్తం రైల్వే సిబ్బందిని శ్రీకాకుళం రోడ్ రైల్వే స్టేషన్ నుంచి ప్రత్యేక రైలులో తరలిస్తున్నారు. కరోనా వైరస్ విస్తరిస్తున్న వేళ అధికారులు జాగ్రత్తలు మరిచారు. వందల మంది కూలీలను ఒకే బోగీలో భౌతిక దూరం, మాస్కులు లేకుండా తరలించారు. అధికారులు నిర్లక్ష్యంగా వ్యవహరిస్తున్నారని కొందరు కూలీలు ఆవేదన చెందుతున్నారు.