ఓ ఇంట్లో చోరి...పోలీసుల దర్యాప్తు
శ్రీకాకుళం జిల్లా పాతపట్నం మండల కేంద్రంలో దొంగతనం జరిగింది. ఈ నెల 14వ తేదీన కాపు వీధికి చెందిన పెద్దింటి సుబ్బారావు దంపతులు ఇంటికి తాళం వేసి తీర్థయాత్రలకు వెళ్లారు. ముంబైలో ఉంటున్న సుబ్బారావు కుమారుడు చలపతిరావు... గురువారం అర్ధరాత్రి ఇంటికి వచ్చేసరికి చోరీ జరిగినట్లు గుర్తించారు. వంట గది పైనుంచి ఇంట్లోకి వచ్చి 2 బీరువాల్లో చోరీకి పాల్పడ్డారని చలపతిరావు తెలిపారు. ఇవాళ ఉదయం పాతపట్నం పోలీసులకు ఫిర్యాదు చేశారు. కేసు నమోదు చేసి దర్యాప్తు చేస్తున్నామని ఎస్ఐ చిన్నంనాయుడు తెలిపారు.