శ్రీకాకుళం జిల్లాపై అంపన్ తుపాను ప్రభావం చూపుతోంది. జిల్లా అంతటా దట్టమైన మేఘాలు కమ్ముకున్నాయి. చిరుజల్లులు పడుతున్నాయి. ఇచ్ఛాపురం, కవిటి, వజ్రపుకొత్తూరు, సోంపేట, సంతబొమ్మాళి మండలాల్లో సముద్రం ముందుకు వచ్చింది.
గొట్టా బ్యారేజీ నుంచి అధికారులు నీరు దిగువకు విడుదల చేశారు. కలెక్టర్ నివాస్ జిల్లా యంత్రాంగాన్ని అప్రమత్తం చేశారు. ఇప్పటికే కోసి ఉన్న పంటలను సురక్షిత ప్రాంతాలకు తరలించాలని ఆదేశించారు. తుపాను సహాయ చర్యల కోసం కంట్రోల్ రూమ్ నంబర్‌- 08942-240557 ను సంప్రదించవచ్చు.