శ్రీకాకుళంలో ఎన్నికలకు అన్నీ సిద్ధం
శ్రీకాకుళం జిల్లా ఆముదాలవలస నియోజకవర్గంలో రేపు జరగబోయే ఎన్నికలకు సర్వం సిద్ధం చేసినట్లు ఎన్నికల రిటర్నింగ్ అధికారి ఎల్. శివశంకర్ తెలిపారు. ఆముదాలవలస జూనియర్ కళాశాలలో యంత్రాలను, సిబ్బందిని సిద్ధం చేశారు. సుమారు 3వేల మందిని ఎన్నికల కోసం వినియోగిస్తున్నామని చెప్పారు. దివ్యాంగులు, వృద్ధులను తరలించేందుకు మరో 500 మంది సహాయకులను నియమించినట్లు వివరించారు. ఎన్నికలను ప్రశాంతంగా నిర్వహించేందుకు ప్రతి గ్రామంలో పటిష్ట బందోబస్తు ఏర్పాటు చేశామన్నారు. అదనపు ఈవీఎంలు అందుబాటులో ఉంచామనీ... సమస్యాత్మక ప్రాంతాల్లో 144 సెక్షన్ అమలు చేశామని తెలిపారు. ఎవరైనా నియమ నిబంధనలు ఉల్లంఘిస్తే కఠిన చర్యలు తీసుకుంటామని హెచ్చరించారు.