ఆర్టీసీ బస్సును ఢీకొట్టిన పాల ట్యాంకర్.. తప్పిన ప్రమాదం

శ్రీకాకుళం జిల్లా పాలకొండలోని తలవరం జంక్షన్ వద్ద త్రుటిలో ప్రమాదం తప్పింది. పాల ట్యాంకర్ టైర్ పంచర్ కావడంతో అదుపుతప్పి బస్సును ఢీ కొట్టి తర్వాత భారీ చెట్టును లారీ ఢీకొంది.

శ్రీకాకుళం జిల్లా పాలకొండ వీరఘట్టం సీఎస్​పీ రోడ్డులో తలవరం జంక్షన్ వద్ద ప్రమాదం తప్పింది. పాలకొండ వైపు వెళ్తున్న పాల ట్యాంకర్ టైర్ పంచర్ కావడంతో అదుపుతప్పి ఎదురుగా వస్తున్న ఆర్టీసీ బస్సును ఢీకొట్టింది. అనంతరం పక్కనే ఉన్న భారీ వృక్షాన్ని ఢీకొంది. ఈ ప్రమాదంలో స్వల్ప గాయాలతో బస్సు, లారీ డ్రైవర్లు బయటపడ్డారు. లారీ చెట్టును ఢీకొనడంతో ఆ చెట్టు వెనకాల ఉన్న నాలుగు కుటుంబాలు పెను ప్రమాదం నుంచి తప్పించుకున్నారు.

ఇదీ చూడండి: