ప్రకాశం జిల్లాలో రసాయన ద్రవం తాగి ఇద్దరు మత్స్యకారుల మృతి
ప్రకాశం జిల్లా కొత్తపట్టణం మండలం గుండమాలకు చెందిన ముగ్గురు మత్య్సకారులు రెండు రోజుల క్రితం సముద్రంలో చేపల వేటకు వెళ్లారు. వారు ప్రయాణిస్తోన్న పడవకు దగ్గరగా ఓ సీసా తేలియాడుతూ కనిపించింది. సీసాలో ఉన్న ద్రవపదార్థాన్ని మద్యంగా భావించి తాగారు. ద్రావణాన్ని తాగిన కొద్దిసేపటికే అస్వస్థతకు గురయ్యారు. ఒడ్డుకు చేరుకొనే లోపే ఇద్దరు వ్యక్తులు మృతి చెందారు. మరొకరికి పరిస్థితి విషమంగా ఉండటంతో గమనించిన సహచరులు స్థానిక ఆస్పత్రికి తరలించారు.