ప్రకాశం జిల్లా ఒంగోలు కమ్మపాలెంలో నివాసముంటున్న ప్రసాద్.. కరవది ఉన్నత పాఠశాలలో వ్యాయామ ఉపాధ్యాయుడిగా పనిచేస్తున్నారు. తొలుత ప్రాథమిక పాఠశాలలో ఉపాధ్యాయుడిగా చేరిన ఆయన.. వ్యాయామ ఉపాధ్యాయ శిక్షణ తీసుకుని ఉద్యోగోన్నతి పొందారు.
కొత్త ఇంటికి మాస్టారు 'అ ఆ' లు..
అయితే.. చిన్నారుల చేత 'అ, ఆ'లు దిద్దించడంతో ప్రారంభమైన తన ఉపాధ్యాయ వృత్తిపై.. మాతృభాషపై ఆయన ఎనలేని మమకారం పెంచుకున్నారు. అందుకే.. తెలుగులోని మొదటి రెండు అక్షరాలైన 'అ, ఆ'లను.. హైదరాబాద్ లో నిర్మించిన తన కొత్త ఇంటి ముందు ప్రత్యేకంగా చెక్కించారు. బంగారపు వర్ణంలోని అక్షరాలు అందరినీ ఆకర్షిస్తున్నాయి. ఇందుకు దాదాపు పాతిక వేల రూపాయలు ఖర్చు అయిందట. భాషపై మక్కువతో ప్రసాద్ చేసిన ఈ పనిని అందరూ ప్రశంసిస్తున్నారు.