గుర్తు తెలియని వాహనం ఢీకొని వ్యక్తి మృతి

ప్రకాశం జిల్లా పొదిలి మండలం తల్లమల వద్ద జరిగిన రోడ్డు ప్రమాదంలో పటాన్ ఫిరోజ్​ఖాన్ అనే వ్యక్తి మృతి చెందాడు. బైక్​పై వెళుతున్న అతనిని గుర్తు తెలియని వాహనం ఢీకొట్టగా.. తీవ్రంగా గాయపడి ప్రాణం విడిచాడు.

ప్రకాశం జిల్లా పొదిలి మండలం తల్లమల వద్ద జరిగిన రోడ్డు ప్రమాదంలో ఒక వ్యక్తి మృతి చెందాడు. మండలంలోని పెల్లూరు గ్రామానికి చెందిన పటాన్ ఫిరోజ్​ఖాన్ టీవీ మెకానిక్​గా పని చేస్తుండేవాడు. పని నిమిత్తం గురువారం రాత్రి దర్శి వెళ్లాడు. తిరిగి ఉదయం సొంతూరుకు బైక్​పై వెళుతుండగా తల్లమల వద్ద గుర్తుతెలియని వాహనం ఢీకొట్టింది. ఈ ఘటనలో అతను అక్కడికక్కడే చనిపోయాడు. స్థానికుల సమాచారం మేరకు విషయం తెలుసుకున్న పోలీసులు కేసు నమోదు చేసి దర్యాప్తు చేస్తున్నారు.

ఇవీ చదవండి