Monkey selfies: ప్రకాశం జిల్లా దర్శిలో ఈ ఘటన చోటు చేసుకుంది. దర్శిలోని ప్రభుత్వ డిగ్రీ కళాశాల ఆవరణలో ఫోన్ చేతిలో పట్టుకుని వాకింగ్ చేస్తున్నాడు ఓ వ్యక్తి. ఈ క్రమంలో.. పక్క నుంచి దూసుకొచ్చిన ఓ కోతి.. క్షణాల్లో చేతిలోని మొబైల్ను లాక్కెళ్లింది. పరిగెత్తుకెళ్లి గొడెక్కి కూర్చుంది. అయితే.. చోరీ టాస్క్ పక్కాగా కంప్లీట్ చేసిందిగానీ.. తాను కొట్టుకొచ్చిన వస్తువేంటన్నది మాత్రం దానికి అర్థం కాలేదు. గోడపై కాసేపు.. తర్వాత చెట్టు మీద ఇంకాసేపు.. ఆ తర్వాత బిల్డింగ్ ఎక్కి మరికాసేపు.. ఫోన్ తేరిపార చూసింది. ఈ క్రమంలో చూస్తున్నవారికి.. నిజంగానే కోతి సెల్ఫీ దిగుతోందా అన్నట్టుగా ఫోజులు పెట్టింది.
వానరం సెల్ఫీ