ఆర్డీవో కార్యాలయంలో పురుగులమందు డబ్బాతో మహిళ హల్​చల్​

పేదలకు ఇళ్ల స్థలాల సేకరణ రాష్ట్రంలో పెద్ద సమస్యగా మారుతోంది. పట్టాలు లేని పంట భూములు చదును చేసి... పేదలకు ఇళ్ల స్థలాలుగా ఇచ్చేందుకు అధికారులు సన్నద్దమవుతున్నారు. అయితే ఎప్పటి నుంచే ఈ భూమినే నమ్ముకుని బతుకుతున్నామని వాటిని లాక్కొంటే మా బతుకులేం కావాలని బాధితులు వాపోతున్నారు. ప్రకాశం జిల్లా మార్కాపురంలో ఓ మహిళా రైతు తన భూమి తీసుకుంటున్నారనే ఆవేదనతో పురుగులమందు డబ్బాతో ఆర్డీవో కార్యాలయానికి వచ్చింది.

ప్రకాశం జిల్లా మార్కాపురంలో మహిళా రైతు మాణిక్యమ్మ తనకు ఉన్న ఎకరాన్నర భూమిని అధికారులు ఇళ్ల స్థలాల కోసం తీసుకుంటున్నారని ఆవేదన చెందింది. ఆ భూమి లేకుంటే తనకు జీవనాధారం లేదని మనస్తాపంతో పురుగులమందు డబ్బాతో ఆర్డీవో కార్యాలయానికి వచ్చింది. తనకు న్యాయం చేయకుంటే ఆత్మహత్యే శరణ్యమని వాపోయింది. దీనిపై స్పందించిన అధికారులు న్యాయం చేస్తామని హామీ ఇవ్వటంతో ఆమె వెనక్కు తగ్గింది.

ఇదీ చూడండి: