ప్రచారంలో బలరాముడికి కుమార్తెల అండాదండా

తండ్రికి మద్దతుగా ప్రకాశం జిల్లా చీరాల నియోజకవర్గంలో తెదేపా అభ్యర్థి బలరాం కృష్ణమూర్తి ఇద్దరు కుమార్తెలు, కోడలు ఎన్నికల ప్రచారం చేశారు. ఇంటింటికీ తిరుగుతూ ఓట్లు అభ్యర్థించారు.

చీరాలలో గత పదేళ్లుగా ఆరాచకపాలన జరిగిందని తెదేపా అభ్యర్థి కరణం బలరాం పెద్ద కుమార్తె సుధ అన్నారు. తండ్రికి మద్దతుగా ప్రకాశం జిల్లా చీరాల నియోజకవర్గంలో బలరాం కుమార్తెలు ఎన్నికల ప్రచారం చేశారు. ఇంటింటికీ తిరుగుతూ ఓట్లు అభ్యర్థించారు. వారి వెంట పెద్దసంఖ్యలో కార్యకర్తలు, పార్టీ అనుచరులు పాల్గొన్నారు. వైకాపా అభ్యర్థి ఆమంచి కృష్ణమోహన్ అక్రమాలకు రోజులు దగ్గరపడ్డాయని తెలిపారు. ముఖ్యమంత్రి చంద్రబాబు అమలు చేస్తున్న సంక్షేమ పథకాలను ప్రజలకు అందకుండా చేస్తూ...ఎదురించిన వారిని బెదిరిస్తున్నారని ఆమె చెప్పారు. త్వరలోనే మంచి రోజులు వస్తాయని..సైకిల్ గుర్తుకు ఓటువేసి తన తండ్రిని గెలిపించాలని సుధ కోరారు.

ఇదీ చదవండి....అభివృద్ధిని చూడండి.. ఓటు వేయండి: పోతుల