ప్రకాశం జిల్లా చీరాలలోని సెయింట్ ఆన్స్ కళాశాలలో స్ప్రైట్ ప్రజెంట్స్ ఈనాడు స్పోర్ట్స్ -2019 పోటీలు రసవత్తరంగా సాగుతున్నాయి. ఈరోజు పోటీలను చీరాల ఒకటవ పట్టణ సీఐ నాగమల్లేశ్వరరావు, క్రిస్టల్ హోండా మేనేజింగ్ డైరెక్టర్ వెంకట శివప్రసాద్, వెంకటేశ్వర ప్రసాద్లు ప్రారంభించారు. బ్యాట్స్మెన్స్ల జోరుతో కళాశాల మైదానం హోరెత్తింది.
చీరాల పాలిటెక్నిక్ కళాశాల, ఒంగోలు పాలిటెక్నిక్ కళాశాల మధ్య జరిగిన పోటీలో మూడు పరుగుల తేడాతో ఒంగోలు పాలిటెక్నిక్ కళాశాల విజయం సాధించింది. రెండో పోటీలో వి.ఎస్.ఆర్.అండ్.ఎన్.ఏ డిగ్రీ కాలేజీ మార్టూరు, పి.ఎం.సి.ఏ కళాశాల సింగరాయకొండ మధ్య జరిగిన హోరాహోరీ మ్యాచ్లో పి.ఎం.సి.ఏ డిగ్రీ కళాశాల జట్టు 54 పరుగుల తేడాతో జయకేతనం ఎగుర వేసింది. ఒంగోలు శ్రీ చైతన్య కళాశాల, సెయింట్ ఆన్స్ పాలిటెక్నిక్ కళాశాల చీరాల మధ్య జరిగిన పోటీలో ఆరు పరుగుల తేడాతో ఒంగోలు శ్రీ చైతన్య జూనియర్ కళాశాల జట్టు విజయం సాధించింది. జూనియర్ విభాగాల్లో గెలుపొందిన జట్లు సెమీఫైనల్స్ నుంచి ఫైనల్కు అర్హత సాధించాయి.