నెల్లూరు టీఎన్‌ఎస్‌ఎఫ్‌ జిల్లా అధ్యక్షుడిపై దాడి

నెల్లూరు టీఎన్​ఎస్​ఎఫ్​ అధ్యక్షుడు తిరుమలపై వైకాపా నాయకులు దాడి చేశారు. కోటంరెడ్డి శ్రీధర్​రెడ్డికి వ్యతిరేకంగా కార్యక్రమాలు నిర్వహిస్తున్నారని... గత కొన్ని రోజులుగా వైకాపా నేతలు బెదిరిస్తున్నారని తిరుమల ఆరోపించారు.

నెల్లూరులో టీఎన్​ఎస్​ఎఫ్​ అధ్యక్షుడు తిరుమలపై వైకాపా నాయకులు దాడికి దిగారు. ఎమ్మెల్యే కోటంరెడ్డి శ్రీధర్​రెడ్డికి వ్యతిరేకంగా కార్యక్రమాలు నిర్వహిస్తున్నారని ఆరోపించారు. ఇటీవల ఓ ఘటనలో కోటంరెడ్డిని పోలీసులు అదుపులోకి తీసుకున్నారు. అప్పటినుంచి వైకాపా నాయకులు బెదిరింపులకు దిగుతున్నారని తిరుమల ఆరోపిస్తున్నారు. ఈరోజు రామ్మూర్తి నగర్​ వద్ద తిరుమలపై వైకాపా కార్యకర్తలు దాడికి పాల్పడ్డారు. ఈ ఘటనలో తిరుమల తలకు తీవ్ర గాయాలయ్యాయి. సింహపురి ఆసుపత్రికి తరలించి అత్యవసర విభాగంలో చికిత్స అందజేస్తున్నారు. పోలీసులు ఘటనా స్థలానికి చేరుకొని కేసు నమోదు చేశారు. తెదేపా జిల్లా అధ్యక్షుడు బీదా రవిచంద్ర, మేయర్​ అజీజ్​లు ఆసుపత్రికి వెళ్లి బాధితుడిని పరామర్శించారు. దాడికి నిరసనగా తెదేపా కార్యకర్తలు నెల్లూరులో ధర్నా చేశారు. నిందితులను వెంటనే గుర్తించి చట్ట ప్రకారం కఠిన చర్యలు తీసుకోవాలని డిమాండ్ చేశారు.