వరద ఉద్ధృతితో కోతకు గురైన పోర్లుకట్ట

నెల్లూరు జిల్లాలో భారీ వర్షం కురవడంతో సోమశిల జలాశయం నిండుకుండలా మారింది. నీటి ప్రవాహం పెరగడంతో దిగువకు నీళ్లు వదులుతున్నారు. అయితే పోర్లుకట్ట కోతకు గురవడంతో ఆ వైపున ఉన్న ఐదు గేట్లను మూసివేశారు.

ఎగువన కురుస్తున్న వర్షాలకు నెల్లూరు జిల్లా సోమశిల జలాశయం నిండుకుండలా మారింది. లక్ష క్యూసెక్కులపైన వరద ప్రవాహం వస్తుండటంతో జలాశయంలో నీటిమట్టం 78 టీఎంసీలకు చేరుకుంది. దీనితో మొత్తం 11 క్రస్ట్ గేట్ల నుంచి నీటిని కిందకు విడుదల చేస్తున్నారు. ఈ ప్రవాహానికి జలాశయం ఎడమవైపున ఉన్న పోర్లుకట్ట కోతకు గురైంది. అప్రమత్తమైన అధికారులు కోతకు గురైనవైపు ఉన్న 5 గేట్లు మూసేసి... మిగతా 6గేట్ల ద్వారా నీటిని విడుదల చేస్తున్నారు. ఎగువ నుంచి వస్తున్న ప్రవాహం ఈరోజు కొద్దిగా తగ్గుముఖం పట్టడంతో అధికారులు ఊపిరి పీల్చుకున్నారు. ఈ వరద ప్రవాహం ఇలాగే కొనసాగి ఉంటే.. పోర్లుకట్ట పూర్తిగా తెగి భారీ ప్రమాదం జరిగేదని స్దానికులు తెలిపారు.

ఇదీ చూడండి.సీఎంఆర్ఎఫ్ నకిలీ చెక్కుల వ్యవహారం.. కొనసాగుతున్న సీఐడీ దర్యాప్తు