ఎనిమిదేళ్ల చిన్నారిపై తండ్రి వయస్సు ఉన్న ఓ వ్యక్తి కిరాతకంగా ప్రవర్తించాడు. ఆ చిన్నారిని... అక్క వద్దకు తీసుకువెళ్తానని మాయ మాటలు చెప్పి అత్యాచారానికి ఒడిగట్టాడు. ఈ దారుణమైన ఘటన పొట్టి శ్రీరాములు నెల్లూరు జిల్లా కావలి మండలం చెంచుగాని పాలెం గ్రామంలో జరిగింది. గ్రామానికి చెందిన పొట్లూరి చిన్నయ్య (40)... తన ఇంటి దగ్గర పిల్లలతో ఆడుకుంటున్న బాలికను... చినగాని పాలెం చెరువు వద్దకు తీసుకెళ్ళి అత్యాచారం చేశాడు. పాప పెద్దగా అరవడంతో అక్కడి నుంచి పారిపోయే ప్రయత్నం చేశాడు. గ్రామస్థులు అతన్ని పట్టుకుని పోలీసులకు అప్పగించారు. బాధితురాలిని వైద్య పరీక్షల నిమిత్తం ప్రాంతీయ వైద్యశాలకు తరలించారు. చిన్నయ్యను అదుపులోకి తీసుకున్నారు.
దారుణం.. ఎనిమిదేళ్ల చిన్నారిపై అత్యాచారం