జిల్లా పరిషత్ సమావేశంలో పలు విషయాలపై 'చర్చలు-హామీలు'

జిల్లా పరిషత్ సమావేశ మందిరంలో ముగ్గురు మంత్రులు, తదితరులు పాల్గొన్నారు. వారంతా పలు విషయాలపై చర్చించి, వాటి పరిష్కారానికై కృషి చేస్తామన్నారు.

నెల్లూరు నగరంలోని జిల్లా పరిషత్ సమావేశ మందిరంలో జిల్లా స్థాయి సమీక్ష సమావేశం నిర్వహించారు. ముగ్గురు మంత్రులు సమావేశంలో పాల్గొన్నారు. జిల్లా ఇన్ ఛార్జి మంత్రి మేకతోటి సుచరిత , పరిశ్రమలు ఐటీ శాఖ మంత్రి మేకపాటి గౌతం రెడ్డి, ఇరిగేషన్ శాఖ మంత్రి అనిల్ కుమార్ యాదవ్ , జిల్లా కలెక్టర్ శేషగిరిబాబు, జిల్లాలోని 8మంది ఎమ్మెల్యేలు, అన్ని శాఖల అధికారులు పాల్గొన్నారు. సమావేశంలో సభ్యులు తాగునీటి సమస్యపై ప్రధానంగా చర్చించారు. సమస్య పరిష్కారానికి ముఖ్యమంత్రితో మాట్లాడి పదికోట్ల రూపాయలు నిధులు మంజూరుచేయాలని కోరతానని హామీ ఇచ్చారు. ఉపాధి హామీ పథకంలో సిబ్బంది అక్రమాలపై విచారణ నిర్వహించి, చర్యలు తీసుకుంటామన్నారు. ప్రభుత్వ పాఠశాలల్లో పెట్టే మధ్యాహ్న భోజనంలో పురుగులు, రాళ్లు ఉంటున్నాయని సభ్యులంతా సమావేశంలో మంత్రి దృష్టికి తెచ్చారు. స్పందించిన మంత్రి సుచరిత పాఠశాలలకు మంచి బియ్యం ఇవ్వాలని జాయింట్ కలెక్టర్​కు ఆదేశాలు జారీ చేశారు.

ఇదీ చూడండీ:జగన్ గారూ.. మీరు విన్నది.. చూసింది ఇదేనా?: లోకేష్