అతి తక్కువ ధరకే మామిడి నిమ్మ మెుక్కలు ఎక్కడో తెలుసా...

నాణ్యత లేని మెుక్కలను అధిక ధరలకు కొనగోలు చేసి మోసపోకుండా ఉండేందుకు ప్రభుత్వం నర్సరీలను ఏర్పాటు చేసింది.

నెల్లూరు జిల్లాలో రైతులకు నాణ్యమైన నిమ్మ, మామిడి మెుక్కలు అందించేందుకు ప్రభుత్వం సర్వేపల్లి, గుడిపల్లి వద్ద రెండు నర్సరీలను ఏర్పాటు చేసింది. ఈ సందర్భంగా నెల్లూరు జిల్లా ఉద్యావన అధికారి రమేష్ మాట్లాడుతూ, 50,000 మామిడి, పదివేల నిమ్మ మెుక్కలు రైతులకు సరఫరా చేసేందుకు సిద్ధంగా ఉన్నాయని తెలిపారు. ఒక్కో మామిడి మెుక్కకు బహిరంగ మార్కెట్లో 70 నుంచి 90 రూపాయలు, నిమ్మ మెుక్కకు 30 నుంచి 40 వరకూ వసూలు చేస్తారని అన్నారు. అదే ప్రభుత్వ నర్సరీలో నిమ్మను 15, మామిడి 30 రూపాయలకే ఇస్తున్నట్లు తెలిపారు. ప్రభుత్వం అందిస్తున్న ఈ చక్కని అవకాశాన్ని రైతులు సద్వినియోగం చేసుకోవాలని ఆయన తెలిపారు.

ఇదీ చదవండి: బుచ్చిరెడ్డిపాలెం పోలీసులపైనే కేసు...