TDP LEADERS ON NARASARAOPETA MURDER : నరసరావుపేటలో ముస్లిం నేత ఇబ్రహీం హత్య.. శాంతిభద్రతల దుస్థితికి నిదర్శనమని.. తెలుగుదేశం అధినేత చంద్రబాబు ధ్వజమెత్తారు. పల్నాడును ఏం చేయాలనుకుంటున్నారో చెప్పాలని నిలదీశారు. ఈ హత్యాకాండ ఎందుకో.. సీఎం సమాధానం చెప్పాలని ప్రశ్నించారు. పల్నాడు జిల్లా అసమర్థ ఎస్పీని వెంటనే సస్పెండ్ చేయాలని డిమాండ్ చేశారు.
ఈ ఘటన జగన్ పాలనకు పరాకాష్ట: ముస్లిం మైనారిటీలను అంతమొందించేందుకే జగన్ సీఎం అయినట్టుందంటూ నారా లోకేశ్‌ మండిపడ్డారు. మసీదు ఆస్తుల సంరక్షణ కోసం పోరాడుతున్న టీడీపీ నేత ఇబ్రహీంను నరసరావుపేటలో అత్యంత కిరాతకంగా హత్య చేయడం జగన్ పాలనకు పరాకాష్ట అని ధ్వజమెత్తారు. వైసీపీ మూకల దాడిలో గాయపడిన మరో కార్యకర్త అలీ పరిస్థితి విషమంగా ఉందన్నారు.