woman gave birth outdoor due to negligence of staff: విజయవాడ పాత ప్రభుత్వ ఆసుపత్రిలో ఓ గర్భిణీ ఆరుబయటే ప్రసవించింది. ఈ ఘటన అందరినీ కలచివేసింది. కండ్రిక నుంచి ఆసుపత్రికి వచ్చిన అరుణ అనే గర్భిణీ తీవ్ర నొప్పులతో ఇబ్బంది పడుతోంది. ఆమెను లోనికి తీసుకెళ్లేందుకు స్ట్రెచర్ కావాలని సెక్యూరిటీ సిబ్బందిని అడిగితే.. లోనికి వెళ్లి తెచ్చుకోమని నిర్లక్ష్యంగా చెప్పారని ఆమె భర్త చెబుతున్నారు. లోనికి వెళ్లి స్ట్రెచర్ తీసుకొచ్చేలోగానే ఆమె ఆరుబయటే ప్రసవించింది. వెంటనే పక్కనే ఉన్న వారు అప్రమమత్తమై తల్లీ, బిడ్డను ఆసుపత్రిలోపలికి తీసుకెళ్లారు. సిబ్బంది నిర్లక్ష్యం కారణంగానే గర్భిణి ఆరుబయట ప్రసవించిందని, స్టెచ్చర్ తీసుకువచ్చే వరకు తీవ్ర ఇబ్బంది పడిందని అక్కడున్నవారు పేర్కొన్నారు.
సిబ్బంది నిర్లక్ష్యం.. ఆసుపత్రి ఆరుబయటే ప్రసవం..