ప్రభుత్వ సలహాదారు సజ్జల రామకృష్ణారెడ్డి
Sajjala Ramakrishna Reddy: రుషికొండ తవ్వకాలు ఏమైనా అంతర్జాతీయ సమస్యా అని ప్రభుత్వ సలహాదారు సజ్జల రామకృష్ణారెడ్డి అన్నారు. రుషికొండను టన్నులు, కిలోలు లెక్కగట్టి తవ్వాలా అని ఆయన ప్రశ్నించారు. విశాఖకు రాజధాని రాకుండా చేయాలనే కుట్రతోనే రాజేంద్రసింగ్‌ లాంటి ఉద్యమకారులతో రుషికొండపై ఆరోపణలు చేయిస్తున్నారని విమర్శించారు. దేశంలో ఎవరు ఎక్కడి నుంచైనా పోటీ చేయవచ్చని రాజకీయ పార్టీగా రాష్ట్రంలో బీఆర్ఎస్ పోటీ చేస్తే మంచిదేనని సజ్జల అన్నారు. ఒక వేళ కేసీఆర్‌ మా మద్దతు కోరితే అందరితో చర్చించి సీఎం జగన్‌మోహన్‌రెడ్డి నిర్ణయం తీసుకుంటారని సజ్జల పునరుద్ఘాటించారు.