KVP Comments on Polavaram: పోలవరం ప్రాజెక్టు నిర్వాసితుల సమస్యల పరిష్కారానికి ముఖ్యమంత్రి జగన్మోహనరెడ్డిని నిలదీద్దామని మాజీ ఎంపీ, కాంగ్రెస్ పార్టీ సీనియర్‌ నేత కేవీపీ రామచంద్రరావు పార్టీ నాయకులు, కార్యకర్తలకు పిలుపునిచ్చారు. 2013 పునరావాస చట్టం ప్రకారం నాలుగు లక్షల మంది నిర్వాసితులకు న్యాయం చేయాల్సిన బాధ్యత ప్రభుత్వంపై ఉందన్నారు. విజయవాడలోని ఆంధ్ర రత్నభవన్‌లో నిర్వహించిన కాంగ్రెస్ పార్టీ విస్తృతస్థాయి సమావేశంలో మాట్లాడారు. రాష్ట్రానికి ప్రత్యేక హోదాపై ప్రధాని మోదీ, భాజపా ఒక మాట మీద నిలబడలేదని విమర్శించారు. రాష్ట్ర పీసీసీ అధ్యక్షుడి మార్పు సమాచారం తెలిశాక సీనియర్‌ నేత, కేంద్ర మాజీ మంత్రి చింతా మోహన్‌ పీసీసీ అధ్యక్షుడు అవుతారని అనుకున్నానని.. కాంగ్రెస్ వర్కింగ్‌ కమిటీకి చింతా మోహన్‌ సేవలు అవసరమని పార్టీ భావించినట్లు ఉందన్నారు.
పోలవరం ప్రాజెక్టుపై కీలక వ్యాఖ్యలు చేసిన కేవీపీ రామచంద్రరావు