కర్నూలు జిల్లా ఓర్వకల్లులో ఏడుగురు దొంగలను పోలీసులు అరెస్టు చేశారు. మే 28న రాత్రి తడకనపల్లె వైపు నుంచి నంద్యాల వెళుతున్న ఖాళీ పత్తిలారీని ఆపి.. డ్రైవర్ పాపారాయుడి వద్దనున్న నగదును ఆ దొంగలు ఎత్తుకెళ్లారు. డ్రైవర్ను ప్లాస్టర్ టేపుతో కట్టేసి అతని వద్ద ఉన్న పత్తిలోడు డబ్బులు రూ. 5,63,900/- సెల్ ఫోన్ను దోచేశారు.
అక్కడినుంచి స్కార్పియో వాహనంలో పరారయ్యారు. ఘటనపై దర్యాప్తు జరిపిన పోలీసులు.. పూడిచెర్లమెట్ట వద్ద నిందితులను అరెస్టు చేశారు. వారి నుంచి రూ. 5 లక్షల నగదు, స్కార్పియో వాహనం, ఏడుగురికి చెందిన సెల్ఫోన్లను స్వాధీనం చేసుకున్నారు. కేసు దర్యాప్తు చేస్తున్నట్టు కర్నూలు డీఎస్పీమహేష్ తెలిపారు.