భాజపా గెలుపును కాంక్షిస్తూ రాజ్యలక్ష్మి అనే మహిళ చేపట్టిన ద్విచక్రవాహన ర్యాలీ కర్నూలు జిల్లాకు చేరుకుంది. మోదీకి పెద్ద వీరాభిమాని అయిన ఈమె... భాజపా తరఫున ప్రచారం చేస్తూ దేశవ్యాప్త పర్యటనను చేపడుతోంది. ఇప్పటికే 5 రాష్ట్రాలు పూర్తి చేసుకున్న ర్యాలీ...ఇప్పుడు ఏపీకి చేరింది. కర్నూలు పార్లమెంట్ బీజేపీ అభ్యర్థి డాక్టర్ పార్థసారథి.. జెండా ఊపి నగరంలో ఈ ర్యాలీని ప్రారంభించారు. జిల్లాలో ముడురోజుల పాటు అన్ని నియోజకవర్గాలు పర్యటించి ప్రతి ఒక్కరు ఓటు హక్కును వినియోగించుకునేలా అవగాహన కల్పిస్తానని రాజ్యలక్ష్మి తెలిపారు. నరేంద్రమోదీ మాస్క్‌లు ధరించి ప్రచారం నిర్వహిస్తున్నందున ప్రజలు ఆసక్తిగా తిలకించారు.
