JAHNAVI FUNERALS : అమెరికాలోని సియాటెల్‌ రాష్ట్రంలో జరిగిన రోడ్డు ప్రమాదంలో కర్నూలు జిల్లాకు చెందిన యువతి మృతిచెందిన సంగతి తెలిసిందే. అయితే జాహ్నవి మృతదేహాన్ని శంషాబాద్‌ విమానాశ్రం నుంచి కౌతాళం మండలం కుంబళనూరు క్యాంపునకు ఆదివారం రాత్రి తీసుకొచ్చారు. మృతదేహాన్ని చూసి అందరూ విలపించారు. జాహ్నవి తన కుటుంబసభ్యులతో కలిసి ఆదోని పట్టణంలో నివాసముంటున్నారు. ఉన్నత చదువుల నిమిత్తం ఆమె అమెరికా వెళ్లారు.
ఈనెల 23న అమెరికాలో జరిగిన రహదారి ప్రమాదంలో చనిపోయారు. సమాచారం అందుకున్న తల్లిదండ్రులు కందుల శ్రీకాంత్‌, విజయలక్ష్మి, తాతయ్య సూరిబాబు, కుటుంబ సభ్యులు కన్నీరు మున్నీరయ్యారు. తమ కుమార్తె మృతదేహాన్ని ఇండియాకు పంపాలని తానా అసోసియేషన్‌ సభ్యులు, స్నేహితులు, బంధువులను తండ్రి శ్రీకాంత్‌ వేడుకున్నారు. ఆదివారం ఉదయం శంషాబాద్‌ విమానాశ్రయానికి జాహ్నవి మృతదేహం చేరుకుంది.